waise maine duniya mein kya dekha hai

vaise maiñ ne duniyā meñ kyā dekhā hai

tum kahte ho to phir achchhā dekhā hai

maiñ us ko apnī vahshat tohfe meñ duuñ

haath uThā.e jis ne sahrā dekhā hai

bin dekhe us kī tasvīr banā lūñgā

aaj to maiñ ne us ko itnā dekhā hai

ek nazar meñ manzar kab khulte haiñ dost

tū ne dekhā bhī hai to kyā dekhā hai

ishq meñ banda mar bhī saktā hai maiñ ne

dil kī dastāvez meñ likhā dekhā hai

maiñ to āñkheñ dekh ke hī batlā dūñgā

tum meñ se kis kis ne dariyā dekhā hai

aage sīdhe haath pe ek tarā.ī hai

maiñ ne pahle bhī ye rasta dekhā hai

tum ko to is baaġh kā naam patā hogā

tum ne to is shahar kā naqsha dekhā hai

waise main ne duniya mein kya dekha hai

tum kahte ho to phir achchha dekha hai

main us ko apni wahshat tohfe mein dun

hath uThae jis ne sahra dekha hai

bin dekhe us ki taswir bana lunga

aaj to main ne us ko itna dekha hai

ek nazar mein manzar kab khulte hain dost

tu ne dekha bhi hai to kya dekha hai

ishq mein banda mar bhi sakta hai main ne

dil ki dastawez mein likha dekha hai

main to aankhen dekh ke hi batla dunga

tum mein se kis kis ne dariya dekha hai

aage sidhe hath pe ek tarai hai

main ne pahle bhi ye rasta dekha hai

tum ko to is bagh ka nam pata hoga

tum ne to is shahar ka naqsha dekha hai