wajd karti ek dua kachche makanon se uThi

vajd kartī ik duā kachche makānoñ se uThī

raushnī tasbīh ke rañgīn dānoñ se uThī

surḳh aafat se muzayyan taḳhta-e-gul kī sahar

shab ko nāranjī qayāmat sham.a-dānoñ se uThī

sabza-o-gul sab achānak nīlgūñ hone lage

yak-ba-yak jab zard maaTī āsmānoñ se uThī

laad laane ke liye sarsabz añgūroñ kā ras

hukm aate hī magas chhatte ke ḳhānoñ se uThī

maiñ suḳhan rab-e-ahad ke fazl se karne lagā

isti.āroñ kī chamak mere ḳhazānoñ se uThī

ghanTiyāñ nāqūs tāshe sab gulāb-e-sub.h haiñ

par sahar-ḳhezī kī ḳhushbū bas azānoñ se uThī

wajd karti ek dua kachche makanon se uThi

raushni tasbih ke rangin danon se uThi

surKH aafat se muzayyan taKHta-e-gul ki sahar

shab ko naranji qayamat shama-danon se uThi

sabza-o-gul sab achanak nilgun hone lage

yak-ba-yak jab zard maTi aasmanon se uThi

lad lane ke liye sarsabz anguron ka ras

hukm aate hi magas chhatte ke KHanon se uThi

main suKHan rab-e-ahad ke fazl se karne laga

istiaron ki chamak mere KHazanon se uThi

ghanTiyan naqus tashe sab gulab-e-subh hain

par sahar-KHezi ki KHushbu bas azanon se uThi