waqt aane do chaak si lenge

vaqt aane do chaak sī leñge

abr uThne do ham bhī pī leñge

inqitā-e-ta.alluqāt sahī

apnī himmat huī to jī leñge

tum parastish karo sitāroñ kī

ham sitāroñ se raushnī leñge

mas.ala zindagī kā sīdhā hai

ham mare bhī to zindagī leñge

saañs lene ko yuuñ to lete haiñ

chain kā saañs bhī kabhī leñge

ātish-o-āb leñge shabnam se

aur phūloñ se tāzgī leñge

aisī jur.at kahāñ harīfoñ meñ

jo tirā ġham ḳhushī ḳhushī leñge

waqt aane do chaak si lenge

abr uThne do hum bhi pi lenge

inqita-e-talluqat sahi

apni himmat hui to ji lenge

tum parastish karo sitaron ki

hum sitaron se raushni lenge

masala zindagi ka sidha hai

hum mare bhi to zindagi lenge

sans lene ko yun to lete hain

chain ka sans bhi kabhi lenge

aatish-o-ab lenge shabnam se

aur phulon se tazgi lenge

aisi jurat kahan harifon mein

jo tera gham KHushi KHushi lenge