waqt ho raha hai phir zau-fishan hatheli par

vaqt ho rahā hai phir zau-fishāñ hathelī par

naqsh haiñ muqaddar kī surḳhiyāñ hathelī par

mahram-e-basīrat thā dil meñ gaḌ ga.iiñ āḳhir

roktā bhalā kab tak barchhiyāñ hathelī par

sar-burīda logoñ kā in dinoñ paḌosī huuñ

aur uThā.e phirtā huuñ āshiyāñ hathelī par

ab ke bhī nahīñ aayā abr-o-bād kā mausam

buuñd ko tarastī haiñ sīpiyāñ hathelī par

jab gharoñ ke āñgan meñ chāñdnī bikhartī hai

ḳhūn-e-dil sajātī haiñ laḌkiyāñ hathelī par

sehn-e-gul kī raunaq haiñ qaid kar nahīñ sakte

rañg chhoḌ jaatī haiñ titliyāñ hathelī par

pattharoñ se Takrā kar chuur ho gayā 'sāġhar'

ham sajā.e phirte haiñ kirchiyāñ hathelī par

waqt ho raha hai phir zau-fishan hatheli par

naqsh hain muqaddar ki surKHiyan hatheli par

mahram-e-basirat tha dil mein gaD gain aaKHir

rokta bhala kab tak barchhiyan hatheli par

sar-burida logon ka in dinon paDosi hun

aur uThae phirta hun aashiyan hatheli par

ab ke bhi nahin aaya abr-o-baad ka mausam

bund ko tarasti hain sipiyan hatheli par

jab gharon ke aangan mein chandni bikharti hai

KHun-e-dil sajati hain laDkiyan hatheli par

sehn-e-gul ki raunaq hain qaid kar nahin sakte

rang chhoD jati hain titliyan hatheli par

pattharon se Takra kar chur ho gaya 'saghar'

hum sajae phirte hain kirchiyan hatheli par