waqt ke naKHun se yaaden hain kuchh khurchi huin

vaqt ke nāḳhūn se yādeñ haiñ kuchh khurchī huiiñ

ek purānā sā makāñ dīvār-e-jāñ jhaḌtī huiiñ

tū-tū maiñ-maiñ kāmyābī aur koshish meñ ġhazab

haaT par jiyūñ kuchh purānī būḌhiyāñ laḌtī huiiñ

kuchh na.e qadmoñ ko gum-gashta Thikānoñ kī talāsh

kuchh guzashta āhaTeñ tai fāsla kartī huiiñ

zehn ne apnī giraftoñ meñ liyā hai dil ko jyuuñ

umr kī dahlīz par bad-ma.āshiyāñ chaḌhtī huiiñ

jo ḳhayālī the pulāo zā.iqa un kā liyā

ab dimāġhoñ ke kitchen meñ hāñDiyāñ ulTī huiiñ

jo mile tārīf un kī had se ziyāda kar diyā

jā rahīñ pahle kī vo bebākiyāñ chiḌhtī huiiñ

yaad thī kamre se ġhā.eb aur tasavvur jā-ba-jā

dil munazzam hī thā 'kundan' dhaḌkaneñ bikhrī huiiñ

waqt ke naKHun se yaaden hain kuchh khurchi huin

ek purana sa makan diwar-e-jaan jhaDti huin

tu-tu main-main kaamyabi aur koshish mein ghazab

haT par jiyun kuchh purani buDhiyan laDti huin

kuchh nae qadmon ko gum-gashta Thikanon ki talash

kuchh guzashta aahaTen tai fasla karti huin

zehn ne apni girafton mein liya hai dil ko jyun

umr ki dahliz par bad-maashiyan chaDhti huin

jo KHayali the pulao zaiqa un ka liya

ab dimaghon ke kitchen mein hanDiyan ulTi huin

jo mile tarif un ki had se ziyaada kar diya

ja rahin pahle ki wo bebakiyan chiDhti huin

yaad thi kamre se ghaeb aur tasawwur ja-ba-ja

dil munazzam hi tha 'kundan' dhaDkanen bikhri huin