waqt ki chaak pe taKHliq nai chahti hai

vaqt kī chaak pe taḳhlīq na.ī chāhtī hai

zindagī aur zarā kūza-garī chāhtī hai

ek dahlīz hai jo paañv pakaḌ letī hai

ek laḌkī hai ki jo apnī ḳhushī chāhtī hai

aao ro leñ ki in āñkhoñ se zarā dhuup chhaTe

shaam kā vaqt hai ye miTTī namī chāhtī hai

pyaas kā khel dikhāne meñ koī harj nahīñ

mas.ala ye hai ki is baar nadī chāhtī hai

ishq parvān pe hai aao bichhaḌ jaa.eñ ham

ye taqāzā bhī hai duniyā bhī yahī chāhtī hai

ik nazar faaqe pe baiThī hai ka.ī haftoñ se

jaane kis yār-e-sitamgar kī galī chāhtī hai

waqt ki chaak pe taKHliq nai chahti hai

zindagi aur zara kuza-gari chahti hai

ek dahliz hai jo panw pakaD leti hai

ek laDki hai ki jo apni KHushi chahti hai

aao ro len ki in aankhon se zara dhup chhaTe

sham ka waqt hai ye miTTi nami chahti hai

pyas ka khel dikhane mein koi harj nahin

masala ye hai ki is bar nadi chahti hai

ishq parwan pe hai aao bichhaD jaen hum

ye taqaza bhi hai duniya bhi yahi chahti hai

ek nazar faqe pe baiThi hai kai hafton se

jaane kis yar-e-sitamgar ki gali chahti hai