aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

waqt raste mein khaDa hai ki nahin

Baqi Siddiqui

waqt raste mein khaDa hai ki nahin

Baqi Siddiqui

MORE BYBaqi Siddiqui

    vaqt raste meñ khaḌā hai ki nahīñ

    dil se ab pūchh ḳhudā hai ki nahīñ

    sohbat-e-shīsha-garāñ hai inkār

    sañg ā.īna banā hai ki nahīñ

    har kiran vaqt-e-sahar kahtī hai

    rauzan-e-dil koī hai ki nahīñ

    rañg har baat meñ bharne vaalo

    qissa kuchh aage baḌhā hai ki nahīñ

    zindagī jurm banī jaatī hai

    jurm koī sazā hai ki nahīñ

    dost har aib chhupā lete haiñ

    koī dushman bhī tirā hai ki nahīñ

    zaḳhm-e-dil manzil-e-jāñ tak aa.e

    sañg-e-rah saath chalā hai ki nahīñ

    kho ga.e raah ke sannāTe meñ

    ab koī dil sadā hai ki nahīñ

    ham tarasne lage bū-e-gul ko

    kahīñ gulshan meñ sabā hai ki nahīñ

    hukm-e-hākim hai ki ḳhāmosh raho

    bolo ab koī gila hai ki nahīñ

    chup to ho jaate haiñ lekin 'bāqī'

    is meñ bhī apnā bhalā hai ki nahīñ

    waqt raste mein khaDa hai ki nahin

    dil se ab puchh KHuda hai ki nahin

    sohbat-e-shisha-garan hai inkar

    sang aaina bana hai ki nahin

    har kiran waqt-e-sahar kahti hai

    rauzan-e-dil koi wa hai ki nahin

    rang har baat mein bharne walo

    qissa kuchh aage baDha hai ki nahin

    zindagi jurm bani jati hai

    jurm ki koi saza hai ki nahin

    dost har aib chhupa lete hain

    koi dushman bhi tera hai ki nahin

    zaKHm-e-dil manzil-e-jaan tak aae

    sang-e-rah sath chala hai ki nahin

    kho gae rah ke sannaTe mein

    ab koi dil ki sada hai ki nahin

    hum tarasne lage bu-e-gul ko

    kahin gulshan mein saba hai ki nahin

    hukm-e-hakim hai ki KHamosh raho

    bolo ab koi gila hai ki nahin

    chup to ho jate hain lekin 'baqi'

    is mein bhi apna bhala hai ki nahin

    Source:

    Funoon(Jadeed Ghazal Number: Volume-002) (Pg. 117)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now