wara-e-lutf koi ibtila nikalna tha

varā-e-lutf koī ibtilā nikalnā thā

ye silsila bhī bahut duur jā nikalnā thā

abhī qubūl na thiiñ ye ināyateñ ham ko

abhī diloñ se ġham-e-mudda.ā nikalnā thā

sivā.e ḳhastagī kuchh pesh-e-kāsa-e-zar-ḳhvāh

hamāre kīsa-e-ḳhālī se kyā nikalnā thā

safar to ek sitāra-ġhamīñ thā varna hameñ

kisī savād-e-masarrat meñ jā nikalnā thā

ajiib manzil-e-bechārgī thī manzil-e-jāñ

yahīñ se jāda-e-bīm-o-rajā nikalnā thā

jabīñ pe naqsh-e-ḳhudā.ī ubharte jaate the

diloñ se yuuñ to na ḳhauf-e-ḳhudā nikalnā thā

wara-e-lutf koi ibtila nikalna tha

ye silsila bhi bahut dur ja nikalna tha

abhi qubul na thin ye inayaten hum ko

abhi dilon se gham-e-muddaa nikalna tha

siwae KHastagi kuchh pesh-e-kasa-e-zar-KHwah

hamare kisa-e-KHali se kya nikalna tha

safar to ek sitara-ghamin tha warna hamein

kisi sawad-e-masarrat mein ja nikalna tha

ajib manzil-e-bechaargi thi manzil-e-jaan

yahin se jada-e-bim-o-raja nikalna tha

jabin pe naqsh-e-KHudai ubharte jate the

dilon se yun to na KHauf-e-KHuda nikalna tha