aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wasl mein zikr ghair ka na karo

Imdad Ali Bahr

wasl mein zikr ghair ka na karo

Imdad Ali Bahr

MORE BYImdad Ali Bahr

    vasl meñ zikr ġhair na karo

    ḳhush kiyā hai to phir ḳhafā na karo

    zulfoñ par mujh ko shefta na karo

    in balāoñ meñ mubtalā na karo

    merī itnī to baat maano bhalā

    baat aġhyār se kiyā na karo

    milne dūñgā na ġhair se tum ko

    karo mujh se milāp na karo

    mar bhī jā.ūñ kahīñ ye rog miTe

    ai tabīboñ mirī davā na karo

    muñh chhupānā hai agar manzūr

    mere āñkhoñ-tale phirā na karo

    ai gul in dinoñ ro.o.ge

    khilkhilā kar bahut hañsā na karo

    bosa lene do kuchh to ho taqsīr

    hadaf-e-tīr be-ḳhatā na karo

    jaan sadqe karūñ jo qadr karo

    dil tumheñ duuñ agar daġhā na karo

    kabhī fariyādtan suno merī

    kaun kahtā hai tum jafā na karo

    ġhair par kyuuñ nigāh karte ho

    mujh ko is tiir nishāna karo

    do-ghaḌī ke liye ham aa.e haiñ

    talḳh bātoñ se be-mazā na karo

    ek purze pe likh ke ye do-harf

    dosto yaar ko ravāna karo

    jald aao ki dam nikaltā hai

    mujh ko piiTo agar bahāna karo

    'bahr' shākir raho muqaddar par

    kas-o-nā-kas se iltijā na karo

    wasl mein zikr ghair ka na karo

    KHush kiya hai to phir KHafa na karo

    zulfon par mujh ko shefta na karo

    in balaon mein mubtala na karo

    meri itni to baat mano bhala

    baat aghyar se kiya na karo

    milne dunga na ghair se tum ko

    karo mujh se milap ya na karo

    mar bhi jaun kahin ye rog miTe

    ai tabibon meri dawa na karo

    munh chhupana hi hai agar manzur

    mere aankhon-tale phira na karo

    ai gul in dinon rooge

    khilkhila kar bahut hansa na karo

    bosa lene do kuchh to ho taqsir

    hadaf-e-tir be-KHata na karo

    jaan sadqe karun jo qadr karo

    dil tumhein dun agar dagha na karo

    kabhi fariyaadtan suno meri

    kaun kahta hai tum jafa na karo

    ghair par kyun nigah karte ho

    mujh ko is tir ka nishana karo

    do-ghaDi ke liye hum aae hain

    talKH baaton se be-maza na karo

    ek purze pe likh ke ye do-harf

    dosto yar ko rawana karo

    jald aao ki dam nikalta hai

    mujh ko piTo agar bahana karo

    'bahr' shakir raho muqaddar par

    kas-o-na-kas se iltija na karo

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now