wasl o fasl ki har manzil mein shamil ek majburi thi
vasl o fasl kī har manzil meñ shāmil ik majbūrī thī
tujh se milte to kyā milte ḳhud se bhī mahjūrī thī
vasl ke saare lamhe jhūTe milnā qarz-e-judā.ī thā
saath hamāre pahlū-ba-pahlū qurb ke bhes meñ duurī thī
aahoñ kī tāmīreñ kī thiiñ sabr ke baaġh lagā.e the
shahr-e-vafā meñ mehnat-e-jāñ kī roz na.ī mazdūrī thī
bāteñ lākhoñ kuchh bhī kahiye lekin us ke ba.ad ye fikr
jaane kyā kahnā bhūle haiñ koī baat zarūrī thī
qissa chheḌā mehr o vafā kā avval-e-shab un ā.ankhoñ ne
raat kaTī aur umr guzārī phir bhī baat adhūrī thī
ba.ad meñ kyā anjām huā ye aage paḌhne vaale batā.eñ
us kī kitāb-e-dildārī kī pahlī jild to puurī thī
wasl o fasl ki har manzil mein shamil ek majburi thi
tujh se milte to kya milte KHud se bhi mahjuri thi
wasl ke sare lamhe jhuTe milna qarz-e-judai tha
sath hamare pahlu-ba-pahlu qurb ke bhes mein duri thi
aahon ki tamiren ki thin sabr ke bagh lagae the
shahr-e-wafa mein mehnat-e-jaan ki roz nai mazduri thi
baaten lakhon kuchh bhi kahiye lekin us ke baad ye fikr
jaane kya kahna bhule hain koi baat zaruri thi
qissa chheDa mehr o wafa ka awwal-e-shab un aaankhon ne
raat kaTi aur umr guzari phir bhi baat adhuri thi
baad mein kya anjam hua ye aage paDhne wale bataen
us ki kitab-e-dildari ki pahli jild to puri thi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
