aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aaj inkar na farmaiye aap

Rind Lakhnavi

aaj inkar na farmaiye aap

Rind Lakhnavi

MORE BYRind Lakhnavi

    aaj inkār na farmā.iye aap

    shab shab ghar mire rah jā.iye aap

    jā.iye ghar ko na ghabrā.iye aap

    ham na mar jā.eñge bas jā.iye aap

    khol do shauq se band añgiyā ke

    leT kar saath na sharmā.iye aap

    aate kahte ho maiñ jā.ūñgā

    maiñ bhī aane nahīñ jā.iye aap

    DhūñDhte phiriye agar le ke charāġh

    mujh āshiq jo kahīñ pā.iye aap

    umr bhar to na qadam-ranja kiyā

    aa.iye ab to na tarsā.iye aap

    jān-e-mushtāq laboñ par aa.ī

    kuchh vasiyyat hai vo sun jā.iye aap

    dil samajhtā nahīñ mujh se nāseh

    aap se samjhe to samjhā.iye aap

    sāya-sāñ shauq meñ uftāñ-ḳhezāñ

    saath rahtā huuñ jidhar jā.iye aap

    maiñ dikhā.ūñ jo junūñ hai sifat

    shaan be-rahmī dikhlā.iye aap

    TukḌe TukḌe maiñ garebāñ ke karūñ

    purze purze mire āḌā.iye aap

    shaad ho ruuh agar ba.ad-e-fanā

    sham-o-gul gor pe bhijvā.iye aap

    jaan sadqe karūñ kyā maal hai jaan

    kaaT duuñ sar ko jo farmā.iye aap

    muñh pe muñh rakkhā to bole kyā ḳhuub

    pahle muñh apnā to banvā.iye aap

    ġhair kaTne lageñ bañdh jaa.e havā

    mujh se tukkal agar uḌvā.iye aap

    naam tak luuñ na kabhī huuñ vo bashar

    ab agar huur bhī ban jā.iye aap

    haath se 'rind' ko khote ho abas

    kahīñ aisā na ho pachhtā.iye aap

    aaj inkar na farmaiye aap

    shab ki shab ghar mere rah jaiye aap

    jaiye ghar ko na ghabraiye aap

    hum na mar jaenge bas jaiye aap

    khol do shauq se band angiya ke

    leT kar sath na sharmaiye aap

    aate hi kahte ho main jaunga

    main bhi aane ka nahin jaiye aap

    DhunDhte phiriye agar le ke charagh

    mujh sa aashiq jo kahin paiye aap

    umr bhar to na qadam-ranja kiya

    aaiye ab to na tarsaiye aap

    jaan-e-mushtaq labon par aai

    kuchh wasiyyat hai wo sun jaiye aap

    dil samajhta nahin mujh se naseh

    aap se samjhe to samjhaiye aap

    saya-san shauq mein uftan-KHezan

    sath rahta hun jidhar jaiye aap

    main dikhaun jo junun ki hai sifat

    shan be-rahmi ki dikhlaiye aap

    TukDe TukDe main gareban ke karun

    purze purze mere aaDaiye aap

    shad ho ruh agar baad-e-fana

    sham-o-gul gor pe bhijwaiye aap

    jaan sadqe karun kya mal hai jaan

    kaT dun sar ko jo farmaiye aap

    munh pe munh rakkha to bole kya KHub

    pahle munh apna to banwaiye aap

    ghair kaTne lagen bandh jae hawa

    mujh se tukkal agar uDwaiye aap

    nam tak lun na kabhi hun wo bashar

    ab agar hur bhi ban jaiye aap

    hath se 'rind' ko khote ho abas

    kahin aisa na ho pachhtaiye aap

    Source:

    Deewan-e-Rind(Guldast-e-ishq) (Rekhta Website) (Pg. 41)

    • Author: Rind Lakhnavi
      • Edition: 1931
      • Publisher: Munshi Nawal Kishor, Lucknow
      • Year of Publication: 1930

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now