wo aalam hai ki munh phere hue aalam nikalta hai

vo aalam hai ki muñh phere hue aalam nikaltā hai

shab-e-furqat ke ġham jhele huoñ kā dam nikaltā hai

ilāhī ḳhair ho uljhan pe uljhan baḌhtī jaatī hai

na merā dam na un ke gesuoñ kā ḳham nikaltā hai

qayāmat hī na ho jaa.e jo parde se nikal aao

tumhāre muñh chhupāne meñ to ye aalam nikaltā hai

shikast-e-rañg-e-ruḳh ā.ina-e-be-tābī-e-dil hai

zarā dekho to kyuuñ kar ġham-zadoñ kā dam nikaltā hai

nigāh-e-iltifāt-e-mehr aur andāz-e-dil-jūī

magar ik pahlū-e-betābī-e-shabnam nikaltā hai

'safī' kushta huuñ nā-pursāniyoñ kā ahl-e-ālam kī

ye dekhūñ kaun merā sāhab-e-mātam nikaltā hai

wo aalam hai ki munh phere hue aalam nikalta hai

shab-e-furqat ke gham jhele huon ka dam nikalta hai

ilahi KHair ho uljhan pe uljhan baDhti jati hai

na mera dam na un ke gesuon ka KHam nikalta hai

qayamat hi na ho jae jo parde se nikal aao

tumhaare munh chhupane mein to ye aalam nikalta hai

shikast-e-rang-e-ruKH aaina-e-be-tabi-e-dil hai

zara dekho to kyun kar gham-zadon ka dam nikalta hai

nigah-e-iltifat-e-mehr aur andaz-e-dil-jui

magar ek pahlu-e-betabi-e-shabnam nikalta hai

'safi' kushta hun na-pursaniyon ka ahl-e-alam ki

ye dekhun kaun mera sahab-e-matam nikalta hai