wo apne ghar chala gaya afsos mat karo
vo apne ghar chalā gayā afsos mat karo
itnā hī us kā saath thā afsos mat karo
insān apne aap meñ majbūr hai bahut
koī nahīñ hai bevafā afsos mat karo
is baar tum ko aane meñ kuchh der ho ga.ī
thak-hār ke vo so gayā afsos mat karo
duniyā meñ aur chāhne vaale bhī haiñ bahut
jo honā thā vo ho gayā afsos mat karo
is zindagī ke mujh pe ka.ī qarz haiñ magar
maiñ jald lauT ā.ūñgā afsos mat karo
ye dekho phir se aa ga.iiñ phūloñ pe titliyāñ
ik roz vo bhī aa.egā afsos mat karo
vo tum se aaj duur hai kal paas aa.egā
phir se ḳhudā milā.egā afsos mat karo
be-kār jī pe bojh liye phir rahe ho tum
dil hai tumhārā phuul sā afsos mat karo
wo apne ghar chala gaya afsos mat karo
itna hi us ka sath tha afsos mat karo
insan apne aap mein majbur hai bahut
koi nahin hai bewafa afsos mat karo
is bar tum ko aane mein kuchh der ho gai
thak-haar ke wo so gaya afsos mat karo
duniya mein aur chahne wale bhi hain bahut
jo hona tha wo ho gaya afsos mat karo
is zindagi ke mujh pe kai qarz hain magar
main jald lauT aaunga afsos mat karo
ye dekho phir se aa gain phulon pe titliyan
ek roz wo bhi aaega afsos mat karo
wo tum se aaj dur hai kal pas aaega
phir se KHuda milaega afsos mat karo
be-kar ji pe bojh liye phir rahe ho tum
dil hai tumhaara phul sa afsos mat karo
- Book : Aamad (Pg. 86)
- Author : Bashir Badar
- Publication : M.R. Publications (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
