wo arz-e-gham pe mashwara-e-iKHtisar de

vo arz-e-ġham pe mashvara-e-iḳhtisār de

kuuze meñ kaise koī samundar utaar de

duniyā ho āḳhirat ho vo sab ko sañvār de

taufīq-e-ishq jis ko bhī parvardigār de

phir dāvat-e-karam nigah-e-sho.ala-bār de

allāh mustaqil mujhe sabr-o-qarār de

jis phuul kā bhī dekhiye dāman hai taar taar

kitnā baḌā sabaq hameñ fasl bahār de

dard-e-jigar shikasta-dilī be-qarāriyāñ

kyā kyā na lutf mujh ko tirā intizār de

vaa.iz use batāo na jannat ke tum maze

ḳhuld-e-barīñ kā lutf jise kū-e-yār de

kañgan udhar kalā.ī meñ ghūmā to yuuñ lagā

āvāz mujh ko gardish-e-lail-o-nahār de

chehre pe vo sajā.e hai ma.asūmiyat kā nuur

ab kaun us ko zahmat-e-bos-o-kanār de

maiñ huuñ shahīd-e-rāh-e-mohabbat magar 'alīm'

merā ġhalat pata mirī lauh-e-mazār de

wo arz-e-gham pe mashwara-e-iKHtisar de

kuze mein kaise koi samundar utar de

duniya ho aaKHirat ho wo sab ko sanwar de

taufiq-e-ishq jis ko bhi parwardigar de

phir dawat-e-karam nigah-e-shoala-bar de

allah mustaqil mujhe sabr-o-qarar de

jis phul ka bhi dekhiye daman hai tar tar

kitna baDa sabaq hamein fasl bahaar de

dard-e-jigar shikasta-dili be-qarariyan

kya kya na lutf mujh ko tera intizar de

waiz use batao na jannat ke tum maze

KHuld-e-barin ka lutf jise ku-e-yar de

kangan udhar kalai mein ghuma to yun laga

aawaz mujh ko gardish-e-lail-o-nahaar de

chehre pe wo sajae hai masumiyat ka nur

ab kaun us ko zahmat-e-bos-o-kanar de

main hun shahid-e-rah-e-mohabbat magar 'alim'

mera ghalat pata meri lauh-e-mazar de