wo bahut KHush hai KHitabaat-o-muraat ke sath
wo bahut KHush hai KHitabaat-o-muraat ke sath
Mohammad Abid Ali Abid
MORE BYMohammad Abid Ali Abid
vo bahut ḳhush hai ḳhitābāt-o-murā.āt ke saath
ḳhuub badlā vo badalte hue hālāt ke saath
dil ke nazdīk pare aañkh se rahne vaale
kyā ta.alluq hai tirī yaad kā barsāt ke saath
merī ḳhvāhish kā zarā bhī na rakhā paas us ne
mujh ko lauTā diyā ḳhat chand hidāyāt ke saath
nik.hat-o-nūr-o-ziyā husn kī pahchān bane
ishq mansūb huā bām-e-ḳharābāt ke saath
maiñ ne lauTā diye sauġhāt-o-tahā.if us ke
mujh ko manzūr na thī shart ināyāt ke saath
wo bahut KHush hai KHitabaat-o-muraat ke sath
KHub badla wo badalte hue haalat ke sath
dil ke nazdik pare aankh se rahne wale
kya talluq hai teri yaad ka barsat ke sath
meri KHwahish ka zara bhi na rakha pas us ne
mujh ko lauTa diya KHat chand hidayat ke sath
nikhat-o-nur-o-ziya husn ki pahchan bane
ishq mansub hua baam-e-KHarabaat ke sath
main ne lauTa diye saughat-o-tahaif us ke
mujh ko manzur na thi shart inayat ke sath
- Book : Falak Daricha (Pg. 74)
- Author : Mohd. Abid Ali Abid
- Publication : Mohd. Abid Ali Abid (2007)
- Edition : 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
