wo bhi kya din the ki hasil mujhko tera pyar tha

vo bhī kyā din the ki hāsil mujh ko terā pyaar thā

ek pal inkār thā aur ek pal iqrār thā

vo bhī kyā din the yahāñ gulzār thā aur yaar thā

is jagah nokīle ḳhāroñ kā baḌā ambār thā

rāstoñ ke pech-o-ḳham kī fikr thī vallāh kise

ye tasallī thī ki mere saath merā yaar thā

zindagī ke goshe goshe meñ talāshā thā jise

mil gayā mujh ko vo jab mere liye bekār thā

chandā maamā kī kahānī nanhe bachchoñ ne sunī

chāñd par jaanā to pichhle daur meñ dushvār thā

ik zamāna jis ko kahtā thā 'kalīm-e-tāhirī'

yaad hai is shahr meñ itnā baḌā fankār thā

wo bhi kya din the ki hasil mujh ko tera pyar tha

ek pal inkar tha aur ek pal iqrar tha

wo bhi kya din the yahan gulzar tha aur yar tha

is jagah nokile KHaron ka baDa ambar tha

raston ke pech-o-KHam ki fikr thi wallah kise

ye tasalli thi ki mere sath mera yar tha

zindagi ke goshe goshe mein talasha tha jise

mil gaya mujh ko wo jab mere liye bekar tha

chanda mama ki kahani nanhe bachchon ne suni

chand par jaana to pichhle daur mein dushwar tha

ek zamana jis ko kahta tha 'kalim-e-tahiri'

yaad hai is shahr mein itna baDa fankar tha