wo bhi kya din the kya zamane the

vo bhī kyā din the kyā zamāne the

roz ik ḳhvāb dekh lete the

ab zamīñ bhī jagah nahīñ detī

ham kabhī āsmāñ pe rahte the

āḳhirash ḳhud tak aan pahuñche haiñ

jo tirī justujū meñ nikle the

ḳhvāb galiyoñ meñ phir rahe the aur

log apne gharoñ meñ so.e the

ham kahīñ duur the bahut hī duur

aur tire ās-pās baiThe the

wo bhi kya din the kya zamane the

roz ek KHwab dekh lete the

ab zamin bhi jagah nahin deti

hum kabhi aasman pe rahte the

aaKHirash KHud tak aan pahunche hain

jo teri justuju mein nikle the

KHwab galiyon mein phir rahe the aur

log apne gharon mein soe the

hum kahin dur the bahut hi dur

aur tere aas-pas baiThe the