wo charagh-e-zist ban kar rah mein jalta raha
vo charāġh-e-zīst ban kar raah meñ jaltā rahā
haath meñ vo haath le kar umr bhar chaltā rahā
ek aañsū yaad kā Tapkā to dariyā ban gayā
zindagī bhar mujh meñ ek tūfān sā paltā rahā
jāntī huuñ ab use maiñ pā nahīñ saktī magar
har jagah saa.e kī sūrat saath kyuuñ chaltā rahā
jo merī nazroñ se ojhal ho chukā muddat huī
vo ḳhayāloñ meñ basā aur sher meñ Dhaltā rahā
ranj thā 'gulnār' mujh ko us ko bhī afsos thā
der tak rotā rahā aur haath bhī maltā rahā
wo charagh-e-zist ban kar rah mein jalta raha
hath mein wo hath le kar umr bhar chalta raha
ek aansu yaad ka Tapka to dariya ban gaya
zindagi bhar mujh mein ek tufan sa palta raha
jaanti hun ab use main pa nahin sakti magar
har jagah sae ki surat sath kyun chalta raha
jo meri nazron se ojhal ho chuka muddat hui
wo KHayalon mein basa aur sher mein Dhalta raha
ranj tha 'gulnar' mujh ko us ko bhi afsos tha
der tak rota raha aur hath bhi malta raha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
