wo dil-nawaz hai lekin nazar-shanas nahin
vo dil-navāz hai lekin nazar-shanās nahīñ
mirā ilaaj mire chāra-gar ke paas nahīñ
taḌap rahe haiñ zabāñ par ka.ī savāl magar
mire liye koī shāyān-e-iltimās nahīñ
tire jilau meñ bhī dil kaañp kaañp uThtā hai
mire mizāj ko āsūdgī bhī raas nahīñ
kabhī kabhī jo tire qurb meñ guzāre the
ab un dinoñ kā tasavvur bhī mere paas nahīñ
guzar rahe haiñ ajab marhaloñ se dīda-o-dil
sahar kī aas to hai zindagī kī aas nahīñ
mujhe ye Dar hai tirī aarzū na miT jaa.e
bahut dinoñ se tabī.at mirī udaas nahīñ
wo dil-nawaz hai lekin nazar-shanas nahin
mera ilaj mere chaara-gar ke pas nahin
taDap rahe hain zaban par kai sawal magar
mere liye koi shayan-e-iltimas nahin
tere jilau mein bhi dil kanp kanp uThta hai
mere mizaj ko aasudgi bhi ras nahin
kabhi kabhi jo tere qurb mein guzare the
ab un dinon ka tasawwur bhi mere pas nahin
guzar rahe hain ajab marhalon se dida-o-dil
sahar ki aas to hai zindagi ki aas nahin
mujhe ye Dar hai teri aarzu na miT jae
bahut dinon se tabiat meri udas nahin
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
