wo dushman-e-jaan jaan se pyara bhi kabhi tha

vo dushman-e-jāñ jaan se pyārā bhī kabhī thā

ab kis se kaheñ koī hamārā bhī kabhī thā

utrā hai rag-o-pai meñ to dil kaT sā gayā hai

ye zahr-e-judā.ī ki gavārā bhī kabhī thā

har dost jahāñ abr-e-gurezāñ kī tarah hai

ye shahr kabhī shahr hamārā bhī kabhī thā

titlī ke ta.āqub meñ koī phuul sā bachcha

aisā hī koī ḳhvāb hamārā bhī kabhī thā

ab agle zamāne ke mileñ log to pūchheñ

jo haal hamārā hai tumhārā bhī kabhī thā

har bazm meñ ham ne use afsurda hī dekhā

kahte haiñ 'farāz' anjuman-ārā bhī kabhī thā

wo dushman-e-jaan jaan se pyara bhi kabhi tha

ab kis se kahen koi hamara bhi kabhi tha

utra hai rag-o-pai mein to dil kaT sa gaya hai

ye zahr-e-judai ki gawara bhi kabhi tha

har dost jahan abr-e-gurezan ki tarah hai

ye shahr kabhi shahr hamara bhi kabhi tha

titli ke taaqub mein koi phul sa bachcha

aisa hi koi KHwab hamara bhi kabhi tha

ab agle zamane ke milen log to puchhen

jo haal hamara hai tumhaara bhi kabhi tha

har bazm mein hum ne use afsurda hi dekha

kahte hain 'faraaz' anjuman-ara bhi kabhi tha