wo ek pal ka sath ba-waqt-e-namaz hai
vo ek pal kā saath ba-vaqt-e-namāz hai
mahmūd āsmāñ pe zamīñ par ayaaz hai
jiine meñ kyā kashish hai magar dekhte haiñ ham
kitnī tumhāre zulm kī rassī darāz hai
maanā ki iltifāt ke aadī nahīñ ho tum
lekin barā.e-mashq-e-sitam kyā javāz hai
us anjuman meñ baat nahīñ ban sakī magar
allāh ko sunā hai baḌā kārsāz hai
apnī kaho hamārī suno mashvara karo
ab kyā ġham-e-zamāna mohabbat kā raaz hai
apnī ġhalat vafā kī talāfī karūñgā maiñ
vo aur hoñge jin ko vafāoñ pe naaz hai
dilkash banā rahā hai 'muzaffar' kā ḳhaas rañg
hālāñki dāstān baḌī jāñ-gudāz hai
wo ek pal ka sath ba-waqt-e-namaz hai
mahmud aasman pe zamin par ayaz hai
jine mein kya kashish hai magar dekhte hain hum
kitni tumhaare zulm ki rassi daraaz hai
mana ki iltifat ke aadi nahin ho tum
lekin barae-mashq-e-sitam kya jawaz hai
us anjuman mein baat nahin ban saki magar
allah ko suna hai baDa karsaz hai
apni kaho hamari suno mashwara karo
ab kya gham-e-zamana mohabbat ka raaz hai
apni ghalat wafa ki talafi karunga main
wo aur honge jin ko wafaon pe naz hai
dilkash bana raha hai 'muzaffar' ka KHas rang
haalanki dastan baDi jaan-gudaz hai
- Book : kamaan (Pg. 179)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
