wo ek shaKHs ki bais mere zawal ka tha

vo ek shaḳhs ki baa.is mire zavāl kā thā

zamīñ se miltā huā rañg us ke jaal kā thā

dil o nigāh meñ jhagḌā bhī munfarid thā magar

jo faisla huā vo bhī baḌe kamāl kā thā

maiñ jaan dene kā da.avā vahāñ pe kyā kartā

jo mas.ala use darpesh thā misāl kā thā

maiñ chāhtā thā ki vo ḳhud-baḳhud samajh jaa.e

taqāzā us kī taraf se magar savāl kā thā

ye aur baat ki baazī isī ke haath rahī

vagarna farq to le de ke ek chaal kā thā

tamām umr gañvā dī jise bhulāne meñ

vo nisf maazī kā qissa thā nisf haal kā thā

maiñ pahle zaḳhm pe chauñkā thā dard se lekin

phir us ke ba.ad kise hosh indimāl kā thā

wo ek shaKHs ki bais mere zawal ka tha

zamin se milta hua rang us ke jal ka tha

dil o nigah mein jhagDa bhi munfarid tha magar

jo faisla hua wo bhi baDe kamal ka tha

main jaan dene ka dawa wahan pe kya karta

jo masala use darpesh tha misal ka tha

main chahta tha ki wo KHud-baKHud samajh jae

taqaza us ki taraf se magar sawal ka tha

ye aur baat ki bazi isi ke hath rahi

wagarna farq to le de ke ek chaal ka tha

tamam umr ganwa di jise bhulane mein

wo nisf mazi ka qissa tha nisf haal ka tha

main pahle zaKHm pe chaunka tha dard se lekin

phir us ke baad kise hosh indimal ka tha