wo ghir ke aaya ghaTaon ki tirgi ki tarah

vo ghir ke aayā ghaTāoñ kī tīrgī kī tarah

baras paḌā mire āñgan meñ chāñdnī kī tarah

vo jis ke vāste ik harf-e-mudda.ā na milā

utar gayā mire siine meñ āgahī kī tarah

nazar bachā ke jise dekhte the mere harīf

samā gayā mirī āñkhoñ meñ raushnī kī tarah

havā pe jis ke qadam haiñ misāl-e-nig.hat-e-gul

asiir hai mire sheroñ meñ naġhmagī kī tarah

mirā ġhazāl ki vahshat thī jis ko saa.e se

lipaT gayā mire siine se aadmī kī tarah

mirī nigāh ko tū apne aa.ine meñ bhī dekh

jamī hai tere laboñ par shaguftagī kī tarah

kahāñ ke she'r kahāñ kī ġhazal ye zehn kī rau

bikhar ga.ī mire kāġhaz pe shā.irī kī tarah

zabāñ khulī hai to dil phaT paḌā hai sūrat-e-gul

vagarna ham bhī the gum aap meñ kalī kī tarah

lahad meñ zehn kī madfūn paikar-e-auhām

mirī ragoñ meñ machalte haiñ zindagī kī tarah

ye dhūp-chhāñv hai duniyā kī ḳhud mirā saaya

mire qarīb se guzrā hai ajnabī kī tarah

ġham-e-zamāna se dil-tañg the bahut 'bāqar'

simaT ke rah ga.e ehsās-e-bekasī kī tarah

wo ghir ke aaya ghaTaon ki tirgi ki tarah

baras paDa mere aangan mein chandni ki tarah

wo jis ke waste ek harf-e-muddaa na mila

utar gaya mere sine mein aagahi ki tarah

nazar bacha ke jise dekhte the mere harif

sama gaya meri aankhon mein raushni ki tarah

hawa pe jis ke qadam hain misal-e-nighat-e-gul

asir hai mere sheron mein naghmagi ki tarah

mera ghazal ki wahshat thi jis ko sae se

lipaT gaya mere sine se aadmi ki tarah

meri nigah ko tu apne aaine mein bhi dekh

jami hai tere labon par shaguftagi ki tarah

kahan ke she'r kahan ki ghazal ye zehn ki rau

bikhar gai mere kaghaz pe shairi ki tarah

zaban khuli hai to dil phaT paDa hai surat-e-gul

wagarna hum bhi the gum aap mein kali ki tarah

lahad mein zehn ki madfun paikar-e-auham

meri ragon mein machalte hain zindagi ki tarah

ye dhup-chhanw hai duniya ki KHud mera saya

mere qarib se guzra hai ajnabi ki tarah

gham-e-zamana se dil-tang the bahut 'baqar'

simaT ke rah gae ehsas-e-bekasi ki tarah