wo ghuncha hun jo bin khile murjhae chaman mein

vo ġhuncha huuñ jo bin khile murjhā.e chaman meñ

vo ashk huuñ jo zīnat-e-dāmāñ nahīñ hotā

zindāñ meñ bhī Takrā.e haiñ zanjīr ke halqe

kab josh-e-junūñ dast-o-garebāñ nahīñ hotā

kyuuñ ḳhāl-e-siyah āriz-e-gulgūñ pe hai maa.il

hindū to koī mā.il-e-qur.āñ nahīñ hotā

jauhar na hoñ to teġh hai faulād kā TukḌā

insān faqat kahne se insāñ nahīñ hotā

dīvāne ko tere nahīñ kuchh hū kī zarūrat

muhtāj ba-sañg-e-kaf-e-tiflāñ nahīñ hotā

wo ghuncha hun jo bin khile murjhae chaman mein

wo ashk hun jo zinat-e-daman nahin hota

zindan mein bhi Takrae hain zanjir ke halqe

kab josh-e-junun dast-o-gareban nahin hota

kyun KHal-e-siyah aariz-e-gulgun pe hai mail

hindu to koi mail-e-quran nahin hota

jauhar na hon to tegh hai faulad ka TukDa

insan faqat kahne se insan nahin hota

diwane ko tere nahin kuchh hu ki zarurat

muhtaj ba-sang-e-kaf-e-tiflan nahin hota