wo har Thokar pe yaad aae wo har manzil pe yaad aae

vo har Thokar pe yaad aa.e vo har manzil pe yaad aa.e

jo tūfāñ meñ ghirī kashtī to vo sāhil pe yaad aa.e

kabhī din the ki qaa.em mujh se thā hangāma-e-mahfil

vahī din aaj is vīrānī-e-mahfil pe yaad aa.e

kabhī din the ki merā har qadam manzil-numā Thahrā

vahī din aaj apnī sa.i-e-lā-hāsil pe yaad aa.e

zarā sī baat pe dār-o-rasan tak baat jā pahuñchī

usūl-e-haq-parastī da.avā-e-bātil pe yaad aa.e

junūñ meñ kārvāñ baḌhtā gayā baḌhtā rahā 'sālik'

ḳhirad vaale hamāre rahnumā manzil pe yaad aa.e

wo har Thokar pe yaad aae wo har manzil pe yaad aae

jo tufan mein ghiri kashti to wo sahil pe yaad aae

kabhi din the ki qaem mujh se tha hangama-e-mahfil

wahi din aaj is virani-e-mahfil pe yaad aae

kabhi din the ki mera har qadam manzil-numa Thahra

wahi din aaj apni sai-e-la-hasil pe yaad aae

zara si baat pe dar-o-rasan tak baat ja pahunchi

usul-e-haq-parasti dawa-e-baatil pe yaad aae

junun mein karwan baDhta gaya baDhta raha 'salik'

KHirad wale hamare rahnuma manzil pe yaad aae