wo harf-e-gham jo zaban se kabhi ada na hua

vo harf-e-ġham jo zabāñ se kabhī adā na huā

hazār rang se unvān har fasāna huā

ba-juz duā-e-sahar aur mil sakā na kahīñ

vo soz-o-sāz ki jān-e-ġham-e-shabāna huā

ham aur soz-e-mohabbat ham aur nūr-e-vafā

magar kisī kī tavajjoh se kyā atā na huā

har ek lamhe se paa.e haiñ taaza ġham ham ne

har ek lamha na.ī umr kā bahāna huā

sab apne apne ujāloñ meñ gum rahe 'fitrat'

sharīk merī shab-e-ġham meñ koī thā na huā

wo harf-e-gham jo zaban se kabhi ada na hua

hazar rang se unwan har fasana hua

ba-juz dua-e-sahar aur mil saka na kahin

wo soz-o-saz ki jaan-e-gham-e-shabana hua

hum aur soz-e-mohabbat hum aur nur-e-wafa

magar kisi ki tawajjoh se kya ata na hua

har ek lamhe se pae hain taza gham hum ne

har ek lamha nai umr ka bahana hua

sab apne apne ujalon mein gum rahe 'fitrat'

sharik meri shab-e-gham mein koi tha na hua