wo harf-e-raaz ki mujhko sikha gaya hai junun

vo harf-e-rāz ki mujh ko sikhā gayā hai junūñ

ḳhudā mujhe nafas-e-jabra.īl de to kahūñ

sitāra kyā mirī taqdīr kī ḳhabar degā

vo ḳhud farāḳhi-e-aflāk meñ hai ḳhvār o zubūñ

hayāt kyā hai ḳhayāl o nazar kī majzūbī

ḳhudī kī maut hai andesha-hā-e-gūnā-gūñ

ajab maza hai mujhe lazzat-e-ḳhudī de kar

vo chāhte haiñ ki maiñ apne aap meñ na rahūñ

zamīr-e-pāk o nigāh-e-buland o masti-e-shauq

na māl-o-daulat-e-qārūñ na fikr-e-aflātūñ

sabaq milā hai ye merāj-e-mustafā se mujhe

ki ālam-e-basharīyat kī zad meñ hai gardūñ

ye kā.enāt abhī nā-tamām hai shāyad

ki aa rahī hai damādam sadā-e-kun-fayakūñ

ilaaj ātish-e-'rūmī' ke soz meñ hai tirā

tirī ḳhirad pe hai ġhālib firañgiyoñ kā fusūñ

usī ke faiz se merī nigāh hai raushan

usī ke faiz se mere subū meñ hai jehūñ

wo harf-e-raaz ki mujh ko sikha gaya hai junun

KHuda mujhe nafas-e-jabrail de to kahun

sitara kya meri taqdir ki KHabar dega

wo KHud faraKHi-e-aflak mein hai KHwar o zubun

hayat kya hai KHayal o nazar ki majzubi

KHudi ki maut hai andesha-ha-e-guna-gun

ajab maza hai mujhe lazzat-e-KHudi de kar

wo chahte hain ki main apne aap mein na rahun

zamir-e-pak o nigah-e-buland o masti-e-shauq

na mal-o-daulat-e-qarun na fikr-e-aflatun

sabaq mila hai ye meraj-e-mustafa se mujhe

ki aalam-e-bashariyat ki zad mein hai gardun

ye kaenat abhi na-tamam hai shayad

ki aa rahi hai damadam sada-e-kun-fayakun

ilaj aatish-e-'rumi' ke soz mein hai tera

teri KHirad pe hai ghaalib firangiyon ka fusun

usi ke faiz se meri nigah hai raushan

usi ke faiz se mere subu mein hai jehun