wo harf-e-tanha

hamāre a.azā jo āsmāñ kī taraf duā ke liye uThe haiñ

(tum āsmāñ kī taraf na dekho!)

maqām-e-nāzuk pe zarb-e-kārī se jaañ bachāne kā hai vasīla

ki apnī mahrūmiyoñ se chhupne kā ek hīla?

buzurg-o-bartar ḳhudā kabhī to (bahisht-e-bar-haq)

hameñ ḳhudā se najāt degā

ki ham haiñ is sarzamīñ pe jaise vo harf-e-tanhā

(magar vo aisā jahāñ na hogā) ḳhamosh o goyā

jo ārzū-e-visāl-e-ma.anī meñ jī rahā ho

jo harf-e-ma.anī kī yak-dilī ko taras gayā ho

hameñ muarrā ke ḳhvāb de do

(ki sab ko baḳhsheñ ba-qadr-e-zauq-e-nigah tabassum)

hameñ muarrā kī ruuh kā iztirāb de do

(jahāñ gunāhoñ ke hausle se mile taqaddus ke dukh kā marham)

ki us kī be-nūr-o-tār āñhkeñ

darūn-e-ādam kī tiira rātoñ

ko chhedtī thiiñ

usī jahāñ meñ firāq-e-jāñ-kāh-e-harf-o-ma.anī

ko dekhtī thiiñ

bahisht us ke liye vo ma.asūm sāda-lauhoñ kī āfiyat thā

jahāñ vo nañge badan pe jābir ke tāziyānoñ se bach ke

rāh-e-farār paa.eñ

vo kafsh-e-pā thā ki jis se ġhurbat kī reg-e-baryāñ

se roz-e-fursat qarār paa.eñ

ki sulb-e-ādam kī rahm-e-havvā kī uzlatoñ meñ

nihāyat-e-intizār pā.eñ!

(bahisht sifr-e-āzīm lekin hameñ vo gum-gashta hindse haiñ

baġhair jin ke koī musāvāt kyā banegī

visāl-e-ma.anī se harf kī baat kyā banegī?)

ham is zamīñ par azal se pīrāna-sar haiñ maanā

magar abhī tak haiñ dil tavānā

aur apnī zūlida-kāriyoñ ke tufail daanā

hameñ muarrā ke ḳhvāb de do

(bahisht meñ bhī nashāt yak-rañg ho to ġham hai

ho ek sā jām-e-shahd sab ke liye to sam hai)

ki ham abhī tak haiñ is jahāñ meñ vo harf-e-tanhā

(bahisht rakh lo hameñ ḳhud apnā javāb de do!)

jise tamannā-e-vasl-e-m.anā

hamare aaza jo aasman ki taraf dua ke liye uThe hain

(tum aasman ki taraf na dekho!)

maqam-e-nazuk pe zarb-e-kari se jaan bachane ka hai wasila

ki apni mahrumiyon se chhupne ka ek hila?

buzurg-o-bartar KHuda kabhi to (bahisht-e-bar-haq)

hamein KHuda se najat dega

ki hum hain is sarzamin pe jaise wo harf-e-tanha

(magar wo aisa jahan na hoga) KHamosh o goya

jo aarzu-e-visal-e-mani mein ji raha ho

jo harf-e-mani ki yak-dili ko taras gaya ho

hamein muarra ke KHwab de do

(ki sab ko baKHshen ba-qadr-e-zauq-e-nigah tabassum)

hamein muarra ki ruh ka iztirab de do

(jahan gunahon ke hausle se mile taqaddus ke dukh ka marham)

ki us ki be-nur-o-tar aanhken

darun-e-adam ki tera raaton

ko chhedti thin

usi jahan mein firaq-e-jaan-kah-e-harf-o-mani

ko dekhti thin

bahisht us ke liye wo masum sada-lauhon ki aafiyat tha

jahan wo nange badan pe jabir ke taziyanon se bach ke

rah-e-farar paen

wo kafsh-e-pa tha ki jis se ghurbat ki reg-e-baryan

se roz-e-fursat qarar paen

ki sulb-e-adam ki rahm-e-hawwa ki uzlaton mein

nihayat-e-intizar paen!

(bahisht sifr-e-azim lekin hamein wo gum-gashta hindse hain

baghair jin ke koi musawat kya banegi

visal-e-mani se harf ki baat kya banegi?)

hum is zamin par azal se pirana-sar hain mana

magar abhi tak hain dil tawana

aur apni zulida-kariyon ke tufail dana

hamein muarra ke KHwab de do

(bahisht mein bhi nashat yak-rang ho to gham hai

ho ek sa jam-e-shahd sab ke liye to sam hai)

ki hum abhi tak hain is jahan mein wo harf-e-tanha

(bahisht rakh lo hamein KHud apna jawab de do!)

jise tamanna-e-wasl-e-mana