wo hasrat-e-bahaar na tufan-e-zindagi
vo hasrat-e-bahār na tūfān-e-zindagī
aatā hai phir rulāne ko abr-e-bahār kyuuñ
ālām-o-ġham kī tund havādis ke vāste
itnā latīf dil mire parvardigār kyuuñ
jab zindagī kā maut se rishta hai munsalik
phir ham-nashīñ hai ḳhatra-e-lail-o-nahār kyuuñ
jab rabt-o-zabt husn-e-mohabbat nahīñ rahā
hai bār-e-dosh hasti-e-nā-pā.edār kyuuñ
ronā mujhe ḳhizāñ kā nahīñ kuchh magar 'shamīm'
is kā gila hai aa.ī chaman meñ bahār kyuuñ
wo hasrat-e-bahaar na tufan-e-zindagi
aata hai phir rulane ko abr-e-bahaar kyun
aalam-o-gham ki tund hawadis ke waste
itna latif dil mere parwardigar kyun
jab zindagi ka maut se rishta hai munsalik
phir ham-nashin hai KHatra-e-lail-o-nahaar kyun
jab rabt-o-zabt husn-e-mohabbat nahin raha
hai bar-e-dosh hasti-e-na-paedar kyun
rona mujhe KHizan ka nahin kuchh magar 'shamim'
is ka gila hai aai chaman mein bahaar kyun
- Book : Jadeed Shora-e-Urdu (Pg. 982)
- Author : Dr. Abdul Wahid
- Publication : Feroz sons Printers Publishers and Stationers
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
