wo jinko KHub tha apne hunar ka andaza

vo jin ko ḳhuub thā apne hunar kā andāza

hai apnī maat kī un ko ḳhabar kā andāza

na ho farīq koī sāmne to ho kaise

kisī farīq ko apne hunar kā andāza

unheñ hai zo.am ki ham ko asiir kar deñge

magar ġhalat hai kisī be-ḳhabar kā andāza

hameñ Darā.egā kaise safar samundar kā

ki ham to kar bhī chuke haiñ bhañvar kā andāza

vo jin ko ḳhauf hai manzil se duur hone kā

sitāra dekh ke kar leñ safar kā andāza

ayaañ hai un kā nasab un kī guftugū se hī

hameñ kahāñ thā ġhazal un ke shar kā andāza

wo jin ko KHub tha apne hunar ka andaza

hai apni mat ki un ko KHabar ka andaza

na ho fariq koi samne to ho kaise

kisi fariq ko apne hunar ka andaza

unhen hai zoam ki hum ko asir kar denge

magar ghalat hai kisi be-KHabar ka andaza

hamein Daraega kaise safar samundar ka

ki hum to kar bhi chuke hain bhanwar ka andaza

wo jin ko KHauf hai manzil se dur hone ka

sitara dekh ke kar len safar ka andaza

ayan hai un ka nasab un ki guftugu se hi

hamein kahan tha ghazal un ke shar ka andaza