wo jis ka rang salona hai baadalon ki tarah

vo jis kā rañg salonā hai bādaloñ kī tarah

girā thā merī nigāhoñ pe bijliyoñ kī tarah

vo rū-ba-rū ho to shāyad nigāh bhī na uThe

jo merī aañkh meñ rahtā hai ratjagoñ kī tarah

charāġh-e-māh ke bujhne pe ye huā mahsūs

nikhar ga.ī mirī shab tere gesuoñ kī tarah

vo āñdhiyāñ haiñ ki dil par tumhārī yādoñ ke

nishāñ bhī miT ga.e sahrā ke rāstoñ kī tarah

mirī nigāh kā andāz aur hai varna

tumhārī bazm meñ huuñ maiñ bhī dūsroñ kī tarah

qarīb aa.e to gum-karda-rah dikhā.ī diye

jo duur se nazar aate the manziloñ kī tarah

har ik nazar kī rasā.ī nahīñ ki dekh sake

hujūm-e-rañg hai ḳhāroñ meñ bhī guloñ kī tarah

na jaane kaise safar kī hai aarzū dil meñ

maiñ apne ghar meñ paḌā huuñ musāfiroñ kī tarah

maiñ dasht-e-dard huuñ yādoñ kī nik.hatoñ kā amiiñ

havā thame to mahaktā huuñ gulshanoñ kī tarah

damak rahā hai jabīn-e-davām par farhād

sharār-e-tesha farozāñ hai mash.aloñ kī tarah

usī kī dhun meñ chaTTānoñ se sar ko Takrāyā

vo ik ḳhayāl ki nāzuk thā ā.inoñ kī tarah

wo jis ka rang salona hai baadalon ki tarah

gira tha meri nigahon pe bijliyon ki tarah

wo ru-ba-ru ho to shayad nigah bhi na uThe

jo meri aankh mein rahta hai ratjagon ki tarah

charagh-e-mah ke bujhne pe ye hua mahsus

nikhar gai meri shab tere gesuon ki tarah

wo aandhiyan hain ki dil par tumhaari yaadon ke

nishan bhi miT gae sahra ke raston ki tarah

meri nigah ka andaz aur hai warna

tumhaari bazm mein hun main bhi dusron ki tarah

qarib aae to gum-karda-rah dikhai diye

jo dur se nazar aate the manzilon ki tarah

har ek nazar ki rasai nahin ki dekh sake

hujum-e-rang hai KHaron mein bhi gulon ki tarah

na jaane kaise safar ki hai aarzu dil mein

main apne ghar mein paDa hun musafiron ki tarah

main dasht-e-dard hun yaadon ki nikhaton ka amin

hawa thame to mahakta hun gulshanon ki tarah

damak raha hai jabin-e-dawam par farhad

sharar-e-tesha farozan hai mashalon ki tarah

usi ki dhun mein chaTTanon se sar ko Takraya

wo ek KHayal ki nazuk tha aainon ki tarah