wo jo kuchh kuchh nigah milane lage

vo jo kuchh kuchh nigah milāne lage

ham har ik se nazar churāne lage

dekhiye kyā ho jaur kā anjām

vo mire hausle baḌhāne lage

ye vo kāfir hai ishq-e-ḳhāna-ḳharāb

tum mire ġham-kade meñ aane lage

kāvishoñ meñ bhī ab mazā na rahā

har kisī ko vo jab satāne lage

maut aa.ī 'zahīr' kab ham ko

jab mohabbat ke lutf aane lage

wo jo kuchh kuchh nigah milane lage

hum har ek se nazar churane lage

dekhiye kya ho jaur ka anjam

wo mere hausle baDhane lage

ye wo kafir hai ishq-e-KHana-KHarab

tum mere gham-kade mein aane lage

kawishon mein bhi ab maza na raha

har kisi ko wo jab satane lage

maut aai 'zahir' kab hum ko

jab mohabbat ke lutf aane lage