wo KHud to mar hi gaya tha mujhe bhi mar gaya
vo ḳhud to mar hī gayā thā mujhe bhī maar gayā
vo apne rog mirī ruuh meñ utaar gayā
samundaroñ kī ye shorish usī kā mātam hai
jo ḳhud to Duub gayā mauj ko ubhār gayā
havā ke zaḳhm khule the udaas chehre par
ḳhizāñ ke shahr se koTī to pur-bahār gayā
añdherī raat kī parchhā.iyoñ meñ Duub gayā
sahar kī khoj meñ jo bhī ufuq ke paar gayā
vo raushnī kā musāfir maiñ tīrgī kā dhuāñ
to phir bhalā vo mujhe kis liye pukār gayā
meñ apne soch ke ham-zād kā pujārī thā
tirā jalāl mirī āqibat sañvār gayā
wo KHud to mar hi gaya tha mujhe bhi mar gaya
wo apne rog meri ruh mein utar gaya
samundaron ki ye shorish usi ka matam hai
jo KHud to Dub gaya mauj ko ubhaar gaya
hawa ke zaKHm khule the udas chehre par
KHizan ke shahr se koTi to pur-bahaar gaya
andheri raat ki parchhaiyon mein Dub gaya
sahar ki khoj mein jo bhi ufuq ke par gaya
wo raushni ka musafir main tirgi ka dhuan
to phir bhala wo mujhe kis liye pukar gaya
mein apne soch ke ham-zad ka pujari tha
tera jalal meri aaqibat sanwar gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
