wo mera yar tha mujhko na ye KHayal aaya

vo merā yaar thā mujh ko na ye ḳhayāl aayā

maiñ apne zehan kā sab bojh us pe Daal aayā

ab us ke paas koī sañg pheñkne ko nahīñ

fazā meñ āḳhirī patthar bhī vo uchhāl aayā

tamām bhiiḌ meñ ik maiñ hī pur-sukūñ thā bahut

tamām bhiiḌ ko mujh par hī ishti.āl aayā

ajab junūn hai ye intiqām kā jazba

shikast khā ke vo paanī meñ zahr Daal aayā

kal apne-āp se jab laḌte laḌte haar gayā

to ek shaḳhs kā phir der tak ḳhayāl aayā

vo be-sabab hī ḳhafā thā magar maiñ aaj 'az.har'

gale meñ us ke bhī bāñhoñ kā haar Daal aayā

wo mera yar tha mujh ko na ye KHayal aaya

main apne zehan ka sab bojh us pe Dal aaya

ab us ke pas koi sang phenkne ko nahin

faza mein aaKHiri patthar bhi wo uchhaal aaya

tamam bhiD mein ek main hi pur-sukun tha bahut

tamam bhiD ko mujh par hi ishtial aaya

ajab junun hai ye intiqam ka jazba

shikast kha ke wo pani mein zahr Dal aaya

kal apne-ap se jab laDte laDte haar gaya

to ek shaKHs ka phir der tak KHayal aaya

wo be-sabab hi KHafa tha magar main aaj 'azhar'

gale mein us ke bhi banhon ka haar Dal aaya