wo mere ghar nahin aata main uske ghar nahin jata

vo mere ghar nahīñ aatā maiñ us ke ghar nahīñ jaatā

magar in ehtiyātoñ se ta.alluq mar nahīñ jaatā

bure achchhe hoñ jaise bhī hoñ sab rishte yahīñ ke haiñ

kisī ko saath duniyā se koī le kar nahīñ jaatā

gharoñ kī tarbiyat kyā aa ga.ī T-v ke hāthoñ meñ

koī bachcha ab apne baap ke uupar nahīñ jaatā

khule the shahr meñ sau dar magar ik had ke andar hī

kahāñ jaatā agar maiñ lauT ke phir ghar nahīñ jaatā

mohabbat ke ye aañsū haiñ unheñ āñkhoñ meñ rahne do

sharīfoñ ke gharoñ kā mas.ala bāhar nahīñ jaatā

'vasīm' us se kaho duniyā bahut mahdūd hai merī

kisī dar kā jo ho jaa.e vo phir dar dar nahīñ jaatā

wo mere ghar nahin aata main us ke ghar nahin jata

magar in ehtiyaton se talluq mar nahin jata

bure achchhe hon jaise bhi hon sab rishte yahin ke hain

kisi ko sath duniya se koi le kar nahin jata

gharon ki tarbiyat kya aa gai T-w ke hathon mein

koi bachcha ab apne bap ke upar nahin jata

khule the shahr mein sau dar magar ek had ke andar hi

kahan jata agar main lauT ke phir ghar nahin jata

mohabbat ke ye aansu hain unhen aankhon mein rahne do

sharifon ke gharon ka masala bahar nahin jata

'wasim' us se kaho duniya bahut mahdud hai meri

kisi dar ka jo ho jae wo phir dar dar nahin jata