wo mere sath aane pe tayyar ho gaya

vo mere saath aane pe tayyār ho gayā

sote se haḌbaḌā ke maiñ bedār ho gayā

us ke hasīn chehre pe ḳhat ḳhuub thā magar

dāḌhī muñDā ke aur tarah-dār ho gayā

battī bujhā ke hero heroine lipaT ga.e

qissa bahut hī phir to mazedār ho gayā

qātil farār ho gayā police ke aane tak

ik rāh-rau bechāra giraftār ho gayā

un ko gunāh karte hue maiñ ne jā liyā

phir un ke saath maiñ bhī gunahgār ho gayā

mardāngī kā us kī bahut shor thā magar

aa.ī shab-e-visāl to bīmār ho gayā

wo mere sath aane pe tayyar ho gaya

sote se haDbaDa ke main bedar ho gaya

us ke hasin chehre pe KHat KHub tha magar

daDhi munDa ke aur tarah-dar ho gaya

batti bujha ke hero heroine lipaT gae

qissa bahut hi phir to mazedar ho gaya

qatil farar ho gaya police ke aane tak

ek rah-rau bechaara giraftar ho gaya

un ko gunah karte hue main ne ja liya

phir un ke sath main bhi gunahgar ho gaya

mardangi ka us ki bahut shor tha magar

aai shab-e-visal to bimar ho gaya