wo mujhe moatabar na dekh saka

vo mujhe mo'atabar na dekh sakā

aur phir umr bhar na dekh sakā

is ko manzil to dikh ga.ī fauran

par vo daur-e-safar na dekh sakā

kyā batā.ūñ sitam-zarīf kā haal

vo mujhe ik nazar na dekh sakā

tujh ko kaise dikhā.ī detā maiñ

tū mujhe is qadar na dekh sakā

vo mujhe baar baar uḌātā rahā

aur mire ḳhasta par na dekh sakā

mere mālik ne bhar diyā kaasa

vo mujhe dar-ba-dar na dekh sakā

sab ke sab dekhte rahe tasvīr

koī dīvār par na dekh sakā

tū bhī dekh aa ke hālat-e-'ahmad'

aur iqrār kar na dekh sakā

wo mujhe mo'atabar na dekh saka

aur phir umr bhar na dekh saka

is ko manzil to dikh gai fauran

par wo daur-e-safar na dekh saka

kya bataun sitam-zarif ka haal

wo mujhe ek nazar na dekh saka

tujh ko kaise dikhai deta main

tu mujhe is qadar na dekh saka

wo mujhe bar bar uData raha

aur mere KHasta par na dekh saka

mere malik ne bhar diya kasa

wo mujhe dar-ba-dar na dekh saka

sab ke sab dekhte rahe taswir

koi diwar par na dekh saka

tu bhi dekh aa ke haalat-e-'ahmad'

aur iqrar kar na dekh saka