wo naznin ada mein ejaz hai sarapa
vo nāznīñ adā meñ ejaaz hai sarāpā
ḳhūbī meñ gul-ruḳhāñ suuñ mumtāz hai sarāpā
ai shoḳh tujh nayan meñ dekhā nigāh kar kar
āshiq ke mārne kā andāz hai sarāpā
jag ke adā-shanāsāñ hai jin kī fikr aalī
tujh qad kuuñ dekh bole yū naaz hai sarāpā
kyuuñ ho sakeñ jagat ke dilbar tire barābar
tū husn haur adā meñ ejaaz hai sarāpā
gaahe ai īsvī-dam yak baat lutf suuñ kar
jāñ-baḳhsh mujh ko terā āvāz hai sarāpā
mujh par 'valī' hamesha dildār mehrbāñ hai
har-chand hasb-e-zāhir tannāz hai sarāpā
wo naznin ada mein ejaz hai sarapa
KHubi mein gul-ruKHan sun mumtaz hai sarapa
ai shoKH tujh nayan mein dekha nigah kar kar
aashiq ke marne ka andaz hai sarapa
jag ke ada-shanasan hai jin ki fikr aali
tujh qad kun dekh bole yu naz hai sarapa
kyun ho saken jagat ke dilbar tere barabar
tu husn haur ada mein ejaz hai sarapa
gahe ai iswi-dam yak baat lutf sun kar
jaan-baKHsh mujh ko tera aawaz hai sarapa
mujh par 'wali' hamesha dildar mehrban hai
har-chand hasb-e-zahir tannaz hai sarapa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
