wo nahin uski magar jadugari maujud hai
vo nahīñ us kī magar jādūgarī maujūd hai
ik sahar-ālūd mujh meñ be-ḳhudī maujūd hai
saf-ba-saf dushman hī dushman haiñ mire chāroñ taraf
hausla dekho ki phir bhī zindagī maujūd hai
bujh ga.ī hai bastiyoñ kī aag ik muddat huī
zehn meñ lekin abhī tak sho.alagī maujūd hai
bād-e-sarsar chal rahī hai aur us ke bāvajūd
phir bhī sham.oñ meñ abhī tak raushnī maujūd hai
hai ajab e.ajāz ye us kī mohabbat kā 'zafar'
jāgtī āñkhoñ meñ ḳhvāb-e-zindagī maujūd hai
wo nahin us ki magar jadugari maujud hai
ek sahar-alud mujh mein be-KHudi maujud hai
saf-ba-saf dushman hi dushman hain mere chaaron taraf
hausla dekho ki phir bhi zindagi maujud hai
bujh gai hai bastiyon ki aag ek muddat hui
zehn mein lekin abhi tak shoalagi maujud hai
baad-e-sarsar chal rahi hai aur us ke bawajud
phir bhi shamon mein abhi tak raushni maujud hai
hai ajab eajaz ye us ki mohabbat ka 'zafar'
jagti aankhon mein KHwab-e-zindagi maujud hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
