wo nazar jab idhar nahin hoti

vo nazar jab idhar nahīñ hotī

raushnī mere ghar nahīñ hotī

har bayāñ mustanad nahīñ hotā

har zabāñ mo'atabar nahīñ hotī

ishq kī raah meñ kisī kī nazar

apne anjām par nahīñ hotī

thak ke har gaam baiThne vaalo

zindagī yuuñ basar nahīñ hotī

jis duā meñ taḌap na ho dil kī

vo rahīn-e-asar nahīñ hotī

ishq meñ jaañ se haath dhote haiñ

ye muhim yuuñ hī sar nahīñ hotī

jo sahar hāsil-e-shab-e-ġham hai

vo sahar umr bhar nahīñ hotī

dard-e-dil yuuñ aziiz hai 'sābir'

minnat-e-chāra-gar nahīñ hotī

wo nazar jab idhar nahin hoti

raushni mere ghar nahin hoti

har bayan mustanad nahin hota

har zaban mo'atabar nahin hoti

ishq ki rah mein kisi ki nazar

apne anjam par nahin hoti

thak ke har gam baiThne walo

zindagi yun basar nahin hoti

jis dua mein taDap na ho dil ki

wo rahin-e-asar nahin hoti

ishq mein jaan se hath dhote hain

ye muhim yun hi sar nahin hoti

jo sahar hasil-e-shab-e-gham hai

wo sahar umr bhar nahin hoti

dard-e-dil yun aziz hai 'sabir'

minnat-e-chaara-gar nahin hoti