wo nigah-e-chashm-e-tilism-gar mujhe dekhte hi laja gai

vo nigāh-e-chashm-e-tilism-gar mujhe dekhte hī lajā ga.ī

vo adā jo sehr-e-tamām se bhī sivā karishma dikhā ga.ī

yahī jaam partav-e-ruḳh tirā yahī terī zulf ko ā.īna

mah o abrū mai kī hasīñ fazā ise roknā ye fazā ga.ī

vo misāl-e-barq numūd gum-gashtagī tabassum-e-be-amāñ

shafaq-āfrīñ sī vo mauj lab dil o jaañ meñ aag lagā ga.ī

vo siyāh-rañg shamīm-shām-e-visāl kī jo naved hai

is alam-gazīda firāq meñ vahī zulf yaad phir aa ga.ī

shah-e-dilbarāñ tujhe kyā ḳhabar dil-e-rind-e-ḳhāk-nashīñ hai kyā

isī ḳhaak ne use dil kiyā yahī ḳhaak us ko miTā ga.ī

vo sitam-shi.ār sahī magar hai vahī qarār-e-dil-o-nazar

vo rahe to rasm-e-vafā rahe na rahe to rasm-e-vafā ga.ī

wo nigah-e-chashm-e-tilism-gar mujhe dekhte hi laja gai

wo ada jo sehr-e-tamam se bhi siwa karishma dikha gai

yahi jam partaw-e-ruKH tera yahi teri zulf ko aaina

mah o abru mai ki hasin faza ise rokna ye faza gai

wo misal-e-barq numud gum-gashtagi tabassum-e-be-aman

shafaq-afrin si wo mauj lab dil o jaan mein aag laga gai

wo siyah-rang shamim-sham-e-visal ki jo nawed hai

is alam-gazida firaq mein wahi zulf yaad phir aa gai

shah-e-dilbaran tujhe kya KHabar dil-e-rind-e-KHak-nashin hai kya

isi KHak ne use dil kiya yahi KHak us ko miTa gai

wo sitam-shiar sahi magar hai wahi qarar-e-dil-o-nazar

wo rahe to rasm-e-wafa rahe na rahe to rasm-e-wafa gai