wo nigahon ko jab badalte hain
vo nigāhoñ ko jab badalte haiñ
dil sambhāle nahīñ sambhalte haiñ
manzileñ duur haiñ kabhī nazdīk
har qadam fāsle badalte haiñ
kaun jaane ki ik tabassum se
kitne mafhūm-e-ġham nikalte haiñ
na guzar itnī kaj-ravī se ki log
tere naqsh-e-qadam pe chalte haiñ
aag bhī un gharoñ ko lagtī hai
jin gharoñ meñ charāġh jalte haiñ
jab bhī uThtī hai vo nazar 'iqbāl'
sham.a kī tarah dil pighalte haiñ
wo nigahon ko jab badalte hain
dil sambhaale nahin sambhalte hain
manzilen dur hain kabhi nazdik
har qadam fasle badalte hain
kaun jaane ki ek tabassum se
kitne mafhum-e-gham nikalte hain
na guzar itni kaj-rawi se ki log
tere naqsh-e-qadam pe chalte hain
aag bhi un gharon ko lagti hai
jin gharon mein charagh jalte hain
jab bhi uThti hai wo nazar 'iqbaal'
shama ki tarah dil pighalte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
