wo pas hai tere dur nahin tu wasil hai mahjur nahin

vo paas hai tere duur nahīñ tū vāsil hai mahjūr nahīñ

kyuuñ habl-e-murkkab meñ hai phañsā muḳhtār hai tū majbūr nahīñ

sargarm-e-shauq-o-huzūr nahīñ dil sard hai tū mahrūr nahīñ

jis qalb meñ ishq kā nuur nahīñ vo tāb-e-jalva-e-tūr nahīñ

har rañg meñ hai vo jalva-numā tū ek hijāb meñ jā ke chhapā

kyuuñ kor savād huā hai batā kyā āñkhoñ meñ tire nuur nahīñ

jo ishq meñ bar-sar-e-dār huā sardār vahī sarshār huā

sarmast visāl-e-yār huā kis tarah kaheñ mansūr nahīñ

jo bātin meñ mashġhūl hue mahbūb hue maqbūl hue

maj.hūl hue mārūf kahāñ mash.hūr jo haiñ manzūr nahīñ

kyuuñ mahv-e-sar-e-pindār huā ai musht-e-ḳhāk hai naqsh-e-fanā

duniyā meñ kahāñ hai rañg-e-baqā jamshed nahīñ maġhfūr nahīñ

mastūr jo thā manzūr huā vo jalva-e-rañg-e-zuhūr huā

jo hijāb thā ruḳh se duur huā mushtāq-laqā mahjūr nahīñ

jo aap huā benām-o-nishāñ us ko hai milā vo jān-e-jahāñ

merāj-e-visāl hai us ko kahāñ jo ishq meñ chaknā-chūr nahīñ

maiñ terā fidā-e-sarāpā huuñ maiñ tālib-e-vasl-e-muarra huuñ

mushtāq-o-shaidā terā huuñ maiñ tālib-e-hūr-o-qusūr nahīñ

maḳhmūr-e-jām-e-bāqī hai shaidā-e-navā-e-irāqī hai

sarshār-e-mohabbat 'sāqī' hai sar-mast hai ye mastūr nahīñ

wo pas hai tere dur nahin tu wasil hai mahjur nahin

kyun habl-e-murkkab mein hai phansa muKHtar hai tu majbur nahin

sargarm-e-shauq-o-huzur nahin dil sard hai tu mahrur nahin

jis qalb mein ishq ka nur nahin wo tab-e-jalwa-e-tur nahin

har rang mein hai wo jalwa-numa tu ek hijab mein ja ke chhapa

kyun kor sawad hua hai bata kya aankhon mein tere nur nahin

jo ishq mein bar-sar-e-dar hua sardar wahi sarshaar hua

sarmast visal-e-yar hua kis tarah kahen mansur nahin

jo baatin mein mashghul hue mahbub hue maqbul hue

majhul hue maruf kahan mashhur jo hain manzur nahin

kyun mahw-e-sar-e-pindar hua ai musht-e-KHak hai naqsh-e-fana

duniya mein kahan hai rang-e-baqa jamshed nahin maghfur nahin

mastur jo tha manzur hua wo jalwa-e-rang-e-zuhur hua

jo hijab tha ruKH se dur hua mushtaq-laqa mahjur nahin

jo aap hua benam-o-nishan us ko hai mila wo jaan-e-jahan

meraj-e-visal hai us ko kahan jo ishq mein chakna-chur nahin

main tera fida-e-sarapa hun main talib-e-wasl-e-muarra hun

mushtaq-o-shaida tera hun main talib-e-hur-o-qusur nahin

maKHmur-e-jam-e-baqi hai shaida-e-nawa-e-iraqi hai

sarshaar-e-mohabbat 'saqi' hai sar-mast hai ye mastur nahin