wo pairahan-e-jaan mein jaan hajla-e-tan mein

vo pairahan-e-jān meñ jaañ hajla-e-tan meñ

huuñ vahm-e-judā.ī se ajab rañj-o-mehan meñ

maqsūd ziyārat hai agar ka.aba-e-dil kī

ho garm-e-safar nāhiya-e-mulk-e-vatan meñ

vo qāmat-e-dilkash hai ajab fitna-e-ālam

chhuptā hī nahīñ pairahan-e-naud-kuhan meñ

ai sham.a bahā ashk chhupā rāz-e-mohabbat

ḳhākistar-e-parvāna hai betāb lagan meñ

shorish mirī bejā hai na fariyād nikammī

raunaq hai zarā nāla-e-bulbul se chaman meñ

tāsīr ho kyā ḳhaak jo bātoñ meñ ghaḌat ho

kuchh baat nikaltī hai to be-sāḳhta-pan meñ

kam-tar hai do o daam se insāñ ba-marātib

har dam jo taraqqī na kare chāl-chalan meñ

huuñ maiñ to vahī mo.atakif-e-gosha-e-uzlat

hālāñki mirā reḳhta pahuñchā hai deccan meñ

ye sach hai ki saudā bhī thā ustād-e-zamāna

merī to magar 'mīr' hī thā sher ke fan meñ

wo pairahan-e-jaan mein jaan hajla-e-tan mein

hun wahm-e-judai se ajab ranj-o-mehan mein

maqsud ziyarat hai agar kaba-e-dil ki

ho garm-e-safar nahiya-e-mulk-e-watan mein

wo qamat-e-dilkash hai ajab fitna-e-alam

chhupta hi nahin pairahan-e-naud-kuhan mein

ai shama baha ashk chhupa raaz-e-mohabbat

KHakistar-e-parwana hai betab lagan mein

shorish meri beja hai na fariyaad nikammi

raunaq hai zara nala-e-bulbul se chaman mein

tasir ho kya KHak jo baaton mein ghaDat ho

kuchh baat nikalti hai to be-saKHta-pan mein

kam-tar hai do o dam se insan ba-maraatib

har dam jo taraqqi na kare chaal-chalan mein

hun main to wahi moatakif-e-gosha-e-uzlat

haalanki mera reKHta pahuncha hai deccan mein

ye sach hai ki sauda bhi tha ustad-e-zamana

meri to magar 'mir' hi tha sher ke fan mein