wo qafila jo rah-e-shaeri mein kam utra

vo qāfila jo rah-e-shā.erī meñ kam utrā

nasīb se mire ghar kārvān-e-ġham utrā

tujhe ḳhabar hī nahīñ hai ye qissa-e-kotāh

jahāñ pe but na gire kab vahāñ haram utrā

safed ho ga.e jab shahr ke tamām sutūñ

har ek burj har ik taaq meñ sanam utrā

kashāñ kashāñ jo sitāroñ kī samt niklā thā

phirā to apnī zamīñ par ba-chashm-e-nam utrā

dayār-e-ishq kī tīra-nasībiyāñ 'sālim'

ki āsmāñ to gire ḳhuub abr kam utrā

wo qafila jo rah-e-shaeri mein kam utra

nasib se mere ghar karwan-e-gham utra

tujhe KHabar hi nahin hai ye qissa-e-kotah

jahan pe but na gire kab wahan haram utra

safed ho gae jab shahr ke tamam sutun

har ek burj har ek taq mein sanam utra

kashan kashan jo sitaron ki samt nikla tha

phira to apni zamin par ba-chashm-e-nam utra

dayar-e-ishq ki tira-nasibiyan 'salim'

ki aasman to gire KHub abr kam utra