wo rota bhi hai to kuchh is tariqe se

vo rotā bhī hai to kuchh is tarīqe se

udāsī tañg rahtī hai kamīne se

bhale hī bad-tamīzī kartā hai lekin

vo laḌkā sher kahtā hai salīqe se

hamāre gun utar aa.e haiñ bachcho meñ

lagā.e phirte haiñ sab bāteñ siine se

baḌhā kar pesh kyoñ karnī haiñ sab chīzeñ

nahīñ aatī hai gar ḳhushbū pasīne se

koī to phuul ḳhush hotā baġhīche meñ

udāsī bo ke lauTā huuñ baġhīche se

wo rota bhi hai to kuchh is tariqe se

udasi tang rahti hai kamine se

bhale hi bad-tamizi karta hai lekin

wo laDka sher kahta hai saliqe se

hamare gun utar aae hain bachcho mein

lagae phirte hain sab baaten sine se

baDha kar pesh kyon karni hain sab chizen

nahin aati hai gar KHushbu pasine se

koi to phul KHush hota baghiche mein

udasi bo ke lauTa hun baghiche se