وہ روز و شب محبت کرنے والے
وہ روز و شب محبت کرنے والے
کہاں ہیں اب محبت کرنے والے
محبت کی طلب ہوتی نہیں تھی
ملے تھے جب محبت کرنے والے
فسادی بھی کہیں سے سیکھ لیتے
نہ تھے مکتب محبت کرنے والے
سبھی پھولوں کی خوشبو منفرد ہے
سبھی مذہب محبت کرنے والے
جہاں بھی ہیں رہیں ہر دم سلامت
مرے یا رب محبت کرنے والے
ترا محبوبؔ بھی ہوگا وہیں پر
جدھر ہیں سب محبت کرنے والے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
