wo ruThi ruThi ye kah rahi thi qarib aao mujhe manao

vo rūThī rūThī ye kah rahī thī qarīb aao mujhe manāo

ho mard to aage baḌh ke mujh ko gale lagāo mujhe manāo

maiñ kal se nārāz huuñ qasam se aur ek kone meñ jā paḌī huuñ

haañ maiñ ġhalat huuñ dikhāo phir bhī tumhī jhukāo mujhe manāo

tumhāre naḳhroñ se apnī an-ban to baḌhtī jā.egī sun rahe ho

tum ek sorry se ḳhatm kar sakte ho tanāv mujhe manāo

tumheñ pata bhī hai kis sakhī se tumhārā paalā paḌā huā hai

muaaf kar dūñgī tum ko fauran hī aao aao mujhe manāo

mujhe yuuñ apne se duur kar ke na ḳhush rahoge ġhurūr kar ke

so mujh se kuchh fāsle pe rakkho ye rakh-rakhāv mujhe manāo

mujhe batāo ki merī nārāzgī se tum ko hai farq koī

maiñ khā rahī huuñ na-jāne kab se hī pech-tāv mujhe manāo

mujhe pata hai mujhe manāne ko tum bhī bechain ho rahe ho

to kyā zarūrī hai tum bhī itne bharam dikhāo mujhe manāo

mirā irāda to pahle hī se hai maan jaane kā sach batā.ūñ

tum apne bhar bhī tamām harboñ ko āzmāo mujhe manāo

bahut bure ho mirī dikhāve kī niiñd ko bhī tum asl samjhe

kahīñ se sīkho piyār karnā mujhe jagāo mujhe manāo

tum apne andāz meñ ki jaise chaḌhā ke rakhte ho āstīneñ

to maiñ ''tumhārā'' radīf vaalī ġhazal sunāo mujhe manāo

ḳhilāf-e-mā'mūl muuD achchhā hai aaj merā maiñ kah rahī huuñ

ki phir kabhī mujh se karte rahnā ye bhāv-tāv mujhe manāo

maiñ parle darje kā haT-dharam thā ki phir bhī us ko manā na paayā

so ab bhī kānoñ meñ gūñjtā hai mujhe manāo mujhe manāo

wo ruThi ruThi ye kah rahi thi qarib aao mujhe manao

ho mard to aage baDh ke mujh ko gale lagao mujhe manao

main kal se naraaz hun qasam se aur ek kone mein ja paDi hun

han main ghalat hun dikhao phir bhi tumhi jhukao mujhe manao

tumhaare naKHron se apni an-ban to baDhti jaegi sun rahe ho

tum ek sorry se KHatm kar sakte ho tanaw mujhe manao

tumhein pata bhi hai kis sakhi se tumhaara pala paDa hua hai

muaf kar dungi tum ko fauran hi aao aao mujhe manao

mujhe yun apne se dur kar ke na KHush rahoge ghurur kar ke

so mujh se kuchh fasle pe rakkho ye rakh-rakhaw mujhe manao

mujhe batao ki meri naraazgi se tum ko hai farq koi

main kha rahi hun na-jaane kab se hi pech-taw mujhe manao

mujhe pata hai mujhe manane ko tum bhi bechain ho rahe ho

to kya zaruri hai tum bhi itne bharam dikhao mujhe manao

mera irada to pahle hi se hai man jaane ka sach bataun

tum apne bhar bhi tamam harbon ko aazmao mujhe manao

bahut bure ho meri dikhawe ki nind ko bhi tum asl samjhe

kahin se sikho piyar karna mujhe jagao mujhe manao

tum apne andaz mein ki jaise chaDha ke rakhte ho aastinen

to main tumhaara radif wali ghazal sunao mujhe manao

KHilaf-e-ma'mul muD achchha hai aaj mera main kah rahi hun

ki phir kabhi mujh se karte rahna ye bhaw-taw mujhe manao

main parle darje ka haT-dharam tha ki phir bhi us ko mana na paya

so ab bhi kanon mein gunjta hai mujhe manao mujhe manao