wo samne jo mere ek bar aa jae

vo sāmne jo mire ek baar aa jaa.e

nazar ko chain to dil ko qarār aa jaa.e

vo log jin ko samajhte haiñ sab vafā-dushman

phir un pe kaise bhalā e.atibār aa jaa.e

taḌap rahā huuñ judā.ī meñ rāt-din jis kī

ḳhudā kare ki vo jān-e-bahār aa jaa.e

bahā.e ashk na shabnam kabhī jo gulshan meñ

yaqīñ nahīñ ki chaman par nikhār aa jaa.e

chhuTe na haath se 'māhir' vafāoñ kā dāman

rafīq kyā haiñ raqīboñ ko pyaar aa jaa.e

wo samne jo mere ek bar aa jae

nazar ko chain to dil ko qarar aa jae

wo log jin ko samajhte hain sab wafa-dushman

phir un pe kaise bhala eatibar aa jae

taDap raha hun judai mein raat-din jis ki

KHuda kare ki wo jaan-e-bahaar aa jae

bahae ashk na shabnam kabhi jo gulshan mein

yaqin nahin ki chaman par nikhaar aa jae

chhuTe na hath se 'mahir' wafaon ka daman

rafiq kya hain raqibon ko pyar aa jae