wo sath aaya to meri uDan baiTh gai

vo saath aayā to merī uḌaan baiTh ga.ī

na jaane kyā huā mujh meñ thakān baiTh ga.ī

phir is ke baad parinde zamīñ pe girne lage

kisī kī aah sar-e-āsmān baiTh ga.ī

qarīb thā ki ta.alluq bahāl ho jaatā

ajab ḳhamoshī magar darmiyān baiTh ga.ī

havelī chhoḌ ke sab log chal diye lekin

har ek hujre meñ ik dāstān baiTh ga.ī

bulandiyoñ pe pahuñch kar maiñ ḳhush bahut thī magar

zamīñ kī samt jo dekhā to jaan baiTh ga.ī

zabāñ-darāzoñ se 'nusrat' kahāñ talak laḌtī

so dil pe sabr kī rakh kar chaTān baiTh ga.ī

wo sath aaya to meri uDan baiTh gai

na jaane kya hua mujh mein thakan baiTh gai

phir is ke baad parinde zamin pe girne lage

kisi ki aah sar-e-asman baiTh gai

qarib tha ki talluq bahaal ho jata

ajab KHamoshi magar darmiyan baiTh gai

haweli chhoD ke sab log chal diye lekin

har ek hujre mein ek dastan baiTh gai

bulandiyon pe pahunch kar main KHush bahut thi magar

zamin ki samt jo dekha to jaan baiTh gai

zaban-daraazon se 'nusrat' kahan talak laDti

so dil pe sabr ki rakh kar chaTan baiTh gai